Darba waħda l-Ħarsijiet kollha (jew Eħieres jew Iħirsa) iddeċidew li jiġu jiftħu qalbhom magħna (għalkemm l-iskeletru ma jidhirlix li għandu qalb)! Ġew jgħidulna bil-problemi li qed jiltaqgħu magħhom dan l-aħħar. Il-Kavallier tal-Kastell, is-Sinjura l-Bajda, it-Tork tat-Taraġ, il-Belliegħa, il-Ħeddiela… u ma nafx kemm aktar… ilkoll qalbhom maqsuma (minbarra l-iskeletru) għax iż-żminijiet inbidlu u donnu m’għadx fadlilhom […]
Fondazzjoni Sagħtar bi pjaċir tħabbar proġett ġdid fis-sensiela ta’ inizjattivi għal aktar qari bil-Malti: il-pubblikazzjoni ta’ Sagħtarin. Sagħtarin huwa ktejjeb bil-Malti maħsub għat-tfal tas-snin bikrin tal-iskola primarja, mimli attivitajiet, logħob, tpinġija, gost u tagħlim għaż-żgħar. Din hija l-ewwel ħarġa, bil-ħsieb li l-pubblikazzjoni ssir sensiela Is-Sa Elaine Germani, Chairperson ta’ Fondazzjoni Sagħtar, qalet li “wara r-rispons […]
Aħna hawn, lesti biex mil-lum sal-Ħadd li ġej niltaqgħu magħkom fil-Festival Nazzjonali tal-Ktieb li qed isir fl-MFCC ġewwa Ta’ Qali. Minbarra s-“Sagħtar” u l-pubblikazzjonijiet l-oħra ssibu tliet pubblikazzjonijiet ġodda:– il-ktieb tal-komiks imsejjaħ “L-Għalliema u l-Istudenti tal-Kulleġġ San Xi Ħadd” ta’ Dean Fenech;– il-ktieb “Stejjer tal-Waħ… Waħ… Waħx” ta’ Trevor Żahra u Nadine Debattista Briffa;– u […]
Huwa ta’ sodisfazzjon kbir li ftit ftit is-Sagħtar qed jerġa’ jikseb il-popolarità li kellu qabel. Eluf ta’ individwi u entitajiet irreġistraw fis-sit ta’ Fondazzjoni Sagħtar u jaċċessawh online, filwaqt li mijiet ta’ individwi u gruppi għażlu wkoll li jabbonaw biex jirċievu l-verżjoni stampata. Il-magażin qiegħed ikun offrut lill-iskejjel u gruppi oħra bi prezz imraħħas permezz tal-Offerta 10+ u xi skejjel diġà abbonaw u qed jibda jitwasslilhom is-Sagħtar l-iskola stess bħala grupp. Fondazzjoni Sagħtar tapprezza dan is-sapport kontinwu u twiegħed ħafna iktar edizzjonijiet interessanti u sbieħ ta’ dan il-magażin tant maħbub mal-Maltin.
Fondazzjoni Sagħtar qiegħda tagħmel offerta ideali għall-iskejjel u gruppi oħra, li jekk jagħmlu għaxar abbonamenti jew aktar għal tmien kopji stampati tal-magażin Sagħtar, minn Ottubru 2021 sa Mejju 2022, jingħatawlhom għall-prezz imraħħas ta’ €20 minflok €25 għal kull abbonament. Il-minimu biex wieħed jibbenefika minn din l-offerta huwa 10 abbonamenti jew aktar f’ordni waħda. Barra minn hekk, il-magażins jitwasslu b’xejn f’indirizz wieħed f’Malta jew Għawdex għal kull ordni.
Hawn hu s-Sagħtar! Erġajna bdejna sena oħra ta’ artikli informattivi, stejjer interessanti, logħob u kompetizzjonijiet, kurżitajiet, ċajt u qari tajjeb. F’din l-ewwel edizzjoni tal-2021-2022 (n. 363 – Ottubru 2021) nerġgħu nsibu sensiliet u niltaqgħu ma’ karattri li sirna nafuhom is-sena l-oħra, bħal Frazer Borg Ellis u s-sensiela dwar il-video games, filwaqt li nintroduċukom ma’ oħrajn ġodda, bħall-Professur Għasfur u x’naraw fis-smewwiet billejl. Mela aċċessa s-Sagħtar online minn dan is-sit jew ixtrih stampat mill-Ħanut u gawdi sena ta’ qari tajjeb magħna! 🙂
Ilna nistennewh u fl-aħħar wasal! Kif tħabbar diġà fuq il-mezzi tax-xandir, is-Sagħtar qed jerġa’ jkun ippubblikat. L-ewwel ħarġa għandha tkun f’idejk f’dawn il-ġranet, u jibqa’ joħroġ kull xahar matul is-sena skolastika sa Mejju 2021. Did-darba se jkun magażin diġitali, li tista’ taqrah meta trid minn fuq kompjuter, mobile jew tablet, u se jinkludi materjal varjat, […]
F’dan is-sit issib skennjati l-edizzjonijiet passati kollha tar-rivista Sagħtar mill-1971 sal-2015! Biex taċċessahom mur fuq Żona tal-Membri u mil-lista li tidher, agħżel id-deċennju li trid u agħfas fuqu biex imbagħad tagħżel l-edizzjoni li trid. Mill-istess lista tista’ tagħfas ukoll fuq Siltiet mis-“Sagħtar” biex tisma’ xi silta minn xi edizzjoni passata tinqara. Il-qari u s-smigħ it-tajjeb!
3 ta’ Ġunju 2020 – Il-Malta Union of Teachers nediet fi ħdanha l-Fondazzjoni Sagħtar. L-għan ta’ din il-Fondazzjoni hu li permezz tagħha l-MUT taqdi l-irwol doppju tagħha, bħala entità trejdjunjonistika u professjonali. Il-Fondazzjoni se taħdem biex tissaħħaħ il-professjoni edukattiva billi toffri taħriġ u materjal edukattiv lill-edukaturi u l-istudenti, torganizza korsijiet u lekċers minn żmien għal […]
