Fondazzjoni Sagħtar tapprezza ħafna l-interess qawwi li wrejtu f’Sagħtarin, il-ktieb tal-attivitajiet għas-snin bikrin.
Author Archives: Christopher Giordano
Fondazzjoni Sagħtar bi pjaċir qed terġa’ tħabbar l-offerta 10+, ideali għall-iskejjel u gruppi oħra, għas-sena skolastika li ġejja!
Din l-offerta tapplika ma’ għaxar abbonamenti jew aktar għall-kopji stampati tas-Sagħtar minn Ottubru 2024 sa Mejju 2025.
Is-sajf magħna, u għalhekk qed nippubblikaw it-tmien u l-aħħar ħarġa ta’ din is-sena skolastika! Fiha ssibu ċ-ċajt u l-ħaġa moħġaġa li tant tħobbu, poeżiji, stejjer sbieħ, informazzjoni interessanti, kurżitajiet, il-paġna “Stilel” dwar Maxine Pace (rebbieħa ta’ Mużika Mużika), u xejn inqas minn 10 kompetizzjonijiet bi premjijiet sbieħ!
Is-sajf riesaq ġmielu, u b’hekk qed nippreżentawlkom l-aħħar ħarġa mis-sett ta’ erbgħa ta’ dis-sena tal-ktieb tal-attivitajiet għas-snin bikrin Sagħtarin. Ħarġa numru 5 fiha ħafna iktar attivitajiet u logħbiet interessanti u edukattivi għat-tfal iż-żgħar, bħalma s’issa żgur drajtu ssibu f’Sagħtarin.
Deħlin fl-aqwa tar-rebbiegħa, forsi l-isbaħ żmien għal xi piknik fil-kampanja u biex napprezzaw is-sbuħija naturali li għad fadal f’pajjiżna. U propju s-Sagħtar t’April fih numru ta’ kitbiet (stejjer u artikli) dwar l-aspett tal-ambjent u n-natura. Dan apparti ċ-ċajt, il-logħob, l-informazzjoni u l-proġetti interessanti ta’ kull xahar. U bilħaqq, erġajna ksirna r-rekord tan-numru ta’ kompetizzjonijiet: 11 […]
Qbiżna nofs is-sena skolastika u diġà wasalna fis-sitt edizzjoni tas-Sagħtar tal-2023-2024! Nittamaw li r-rivista qed togħġobkom kull xahar. Fl-edizzjoni ta’ Marzu tistgħu tobsru x’se ssibu: iktar stejjer, logħob, poeżiji, informazzjoni, logħob, kompetizzjonijiet u premjijiet sbieħ! Is-suġġetti huma varjati bħal dejjem, imma l-enfasi dax-xahar hi fuq il-festa tal-Għid, li se taħbat propju fl-aħħar tax-xahar. Ħuduh f’idejkom, aqrawh […]
Wasal Marzu, u għalhekk qed nippubblikaw it-tielet ħarġa mis-sett ta’ erbgħa ta’ dis-sena tal-ktieb tal-attivitajiet Sagħtarin! Ħarġa numru 4 tinkludi diversi attivitajiet u logħbiet interessanti u edukattivi għat-tfal tas-snin bikrin.
Il-pubblikazzjoni tnediet fil-11 ta’ Marzu 2024 fil-Kulleġġ San Injazju, l-iskola primarja ta’ Ħaż-Żebbuġ, fil-preżenza tal-Ministru għall-Inklużjoni u l-Volontarjat Julia Farrugia Portelli u l-Ministru għall-Edukazzjoni, l-Isports, iż-Żgħażagħ, ir-Riċerka u l-Innovazzjoni Clifton Grima.
Hawn hu s-Sagħtar ta’ Frar! Minn fost l-edizzjonijiet kollha ta’ dawn l-aħħar snin, din l-edizzjoni kisret ir-rekord tan-numru ta’ kompetizzjonijiet: 10! Ħudu sehem u tistgħu tirbħu kotba, logħob u saħansitra rota! Dan minbarra l-istejjer, artikli, poeżiji u logħob interessanti bħalma jkun fiha kull xahar ir-rivista. Dax-xahar niffukaw fuq il-Karnival imma mhux biss… Barra minn hekk, mal-edizzjoni […]
Għadna kif bdejna sena oħra u hawn hi l-ewwel ħarġa tas-Sagħtar tal-2024, ir-raba’ waħda ta’ din is-sena skolastika! Il-magażin jinkludi diversi artikli, stejjer, logħob u kompetizzjonijiet li s’issa drajtuhom, bħaċ-ċajt u l-ħaġa moħġaġa, sports, mużika u kantanti, video games, astronomija, Frazer, Rakkonti Retro, Bobot, poeżiji, “Mill-Pinna Tagħkom” u ħafna iktar. Insomma, ilkoll tafu x’inhu s-Sagħtar: ftit […]