Wasal is-Sagħtar t’April!
Din hija s-seba’ edizzjoni mit-tmienja ta’ din is-sena skolastika. L-artikli u l-istejjer huma varjati bħal dejjem. Tistgħu taqraw dwar l-Għid u tradizzjonijiet ta’ dan iż-żmien, plejers famużi, il-grupp The Busker li se jirrappreżenta lil Malta fil-Eurovision, aktar dwar l-armar tal-festi, ċajt u ħaġa moħġaġa, poeżiji u ħafna iktar.
Wasalna għall-edizzjoni ta’ Marzu!
F’din il-ħarġa ssibu artikli dwar suġġetti varji u stejjer u poeżiji interessanti mingħand awturi ġodda u oħrajn li drajtuhom. Barra minn hekk nifirħu lill-kantant żagħżugħ Kyran Bonello, li rebaħ il-Malta’s Got Talent, naraw kif se tispiċċa l-avventura tat-tapit taz-zija, miktuba minn studenta brava, u ħafna iktar. U għal darb’oħra għandkom xalata ta’ 8 kompetizzjonijiet bi premjijiet sbieħ!
Wasal is-Sagħtar ta’ Frar 🙂 Fih tistgħu taqraw artikli u stejjer dwar il-Karnival, il-kantanta Olivia Rodrigo, ċajt, poeżiji u ħafna iktar. Tistgħu wkoll tieħdu sehem f’rekord ta’ 8 kompetizzjonijiet differenti bi premjijiet mill-isbaħ.
Is-sena t-tajba! Minn fejn ġej l-isem ta’ Jannar, u xi drawwiet hemm marbutin miegħu? Min hu l-istilla ta’ dax-xahar, u x’karattru tal-video games tistgħu taqraw dwaru?
Fondazzjoni Sagħtar żaret lill-Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni l-Onor. Clifton Grima, flimkien ma’ wħud mill-awturi u l-illustraturi, sabiex tippreżentalu l-pubblikazzjonijiet li ħarġet fix-xhur li għaddew.
Fondazzjoni Sagħtar, flimkien mal-awtur Dean Fenech, ipparteċipat fil-programm televiżiv Ilsienna, li fih ingħatat ħarsa lejn pubblikazzjoni ġdida tagħha
Bi pjaċir inħabbru wkoll l-ewwel filmat tal-proġett XJEN-TEK, li tistgħu tarawh fl-app tas-Sagħtar fis-sezzjoni tal-vidjows (aktar informazzjoni kif tniżżluha tinsab fis-sit saghtar.org.mt). Aqraw dwar dan il-proġett f’paġna 38 tas-Sagħtar ta’ Diċembru 2022 waqt li qed nippreparaw għall-mudelli li ser jitqassmu fix-xhur li ġejjin.
Dalwaqt il-Milied, festa sabiħa u fl-istess ħin żmien li nieqfu u nistrieħu ftit. U wasal is-Sagħtar ta’ Diċembru wkoll! Biex tirrilassa tista’ taqbad din ir-rivista u fiha ssib minn kollox! Tista’ taqra dwar aspetti folkloristiċi u interessanti ta’ dan iż-żmien, stejjer u artikli varjati oħrajn, tilgħab diversi logħob u anki tieħu sehem f’numru ta’ kompetizzjonijiet bi […]
Darba waħda l-Ħarsijiet kollha (jew Eħieres jew Iħirsa) iddeċidew li jiġu jiftħu qalbhom magħna (għalkemm l-iskeletru ma jidhirlix li għandu qalb)! Ġew jgħidulna bil-problemi li qed jiltaqgħu magħhom dan l-aħħar. Il-Kavallier tal-Kastell, is-Sinjura l-Bajda, it-Tork tat-Taraġ, il-Belliegħa, il-Ħeddiela… u ma nafx kemm aktar… ilkoll qalbhom maqsuma (minbarra l-iskeletru) għax iż-żminijiet inbidlu u donnu m’għadx fadlilhom […]
Fondazzjoni Sagħtar bi pjaċir tħabbar proġett ġdid fis-sensiela ta’ inizjattivi għal aktar qari bil-Malti: il-pubblikazzjoni ta’ Sagħtarin. Sagħtarin huwa ktejjeb bil-Malti maħsub għat-tfal tas-snin bikrin tal-iskola primarja, mimli attivitajiet, logħob, tpinġija, gost u tagħlim għaż-żgħar. Din hija l-ewwel ħarġa, bil-ħsieb li l-pubblikazzjoni ssir sensiela Is-Sa Elaine Germani, Chairperson ta’ Fondazzjoni Sagħtar, qalet li “wara r-rispons […]
