Fondazzjoni Sagħtar tapprezza ħafna l-interess qawwi li wrejtu f’Sagħtarin, il-ktieb tal-attivitajiet għas-snin bikrin.
Arkivji tal-Kategorija: Skejjel
Fondazzjoni Sagħtar bi pjaċir qed terġa’ tħabbar l-offerta 10+, ideali għall-iskejjel u gruppi oħra, għas-sena skolastika li ġejja!
Din l-offerta tapplika ma’ għaxar abbonamenti jew aktar għall-kopji stampati tas-Sagħtar minn Ottubru 2024 sa Mejju 2025.
Fondazzjoni Sagħtar tħabbar li wara s-suċċess tal-ewwel ħarġa ta’ Sagħtarin, il-ktieb tal-attivitajiet għas-snin bikrin, se tippubblika sensiela ta’ 4 edizzjonijiet matul is-sena skolastika li ġejja
Fondazzjoni Sagħtar reġgħet qed tagħmel l-offerta 10+, ideali għall-iskejjel u gruppi oħra. Din tapplika ma’ għaxar abbonamenti jew aktar għall-kopji stampati tas-Sagħtar minn Ottubru 2023 sa Mejju 2024.
Huwa ta’ sodisfazzjon kbir li ftit ftit is-Sagħtar qed jerġa’ jikseb il-popolarità li kellu qabel. Eluf ta’ individwi u entitajiet irreġistraw fis-sit ta’ Fondazzjoni Sagħtar u jaċċessawh online, filwaqt li mijiet ta’ individwi u gruppi għażlu wkoll li jabbonaw biex jirċievu l-verżjoni stampata. Il-magażin qiegħed ikun offrut lill-iskejjel u gruppi oħra bi prezz imraħħas permezz tal-Offerta 10+ u xi skejjel diġà abbonaw u qed jibda jitwasslilhom is-Sagħtar l-iskola stess bħala grupp. Fondazzjoni Sagħtar tapprezza dan is-sapport kontinwu u twiegħed ħafna iktar edizzjonijiet interessanti u sbieħ ta’ dan il-magażin tant maħbub mal-Maltin.
Fondazzjoni Sagħtar qiegħda tagħmel offerta ideali għall-iskejjel u gruppi oħra, li jekk jagħmlu għaxar abbonamenti jew aktar għal tmien kopji stampati tal-magażin Sagħtar, minn Ottubru 2021 sa Mejju 2022, jingħatawlhom għall-prezz imraħħas ta’ €20 minflok €25 għal kull abbonament. Il-minimu biex wieħed jibbenefika minn din l-offerta huwa 10 abbonamenti jew aktar f’ordni waħda. Barra minn hekk, il-magażins jitwasslu b’xejn f’indirizz wieħed f’Malta jew Għawdex għal kull ordni.
Matul is-sajf, minn wara l-aħħar ħarġa tas-Sagħtar tas-sena skolastika li għaddiet, ix-xogħol ma waqafx. Fil-fatt Fondazzjoni Sagħtar għamlet sensiela ta’ laqgħat online qosra mat-tfal li attendew SkolaSajf f’ċentri differenti f’Malta biex tintroduċihom mar-rivista u tħeġġiġhom jaċċessawha u jaqrawha u jieħdu gost biha. Fil-laqgħat intużat l-istorja popolari ta’ Lawra d-Dinosawra u t-tfal ngħataw l-opportunità li jibagħtu tpinġija ta’ Lawra u jieħdu sehem f’kompetizzjoni biċ-ċans li jirbħu abbonament għal sena għas-Sagħtar stampat 2021-2022. Ir-rebbieħa qed ikunu kkuntattjati f’dawn il-ġranet.
Nhar l-1 ta’ Diċembru 2020 l-istudenti tat-8 sena fl-iskola San Andrea kellhom iċ-ċans li jiltaqgħu b’mod virtwali ma’ Trevor Zahra. Waqt il-laqgħa l-kittieb qasam l-esperjenza tiegħu tal-kitba u rrakkomanda kotba interessanti li kiteb, addattati għall-età tagħhom. Uħud mill-kotba li wera mil-librerija personali tiegħu kienu preżenti wkoll magħna fil-klassi, hekk kif l-istudenti ġabu mid-dar uħud mill-kotba […]
Din is-sena kienet waħda partikolari, li wasslitna biex nirrevedu l-mod kif isir it-tagħlim minħabba l-pandemija. Kienet sena mimlija sfidi. L-edukaturi kollha tal-Kulleġġ San Nikola, l-iskola primarja tar-Rabat qed jagħmlu minn kollox biex jibqgħu għaddejjin bir-rutina ta’ kuljum, filwaqt li qed jieħdu l-prekawzjonijiet kollha meħtieġa biex jassiguraw ambjent sigur filwaqt li joffru vjaġġ edukattiv mill-isbaħ lill-istudenti. […]
L-iskola primarja ta’ Birkirkara fi ħdan il-Kulleġġ Santa Tereża ċċelebrat l-#antibullying week 2020. Din l-inizjattiva sabet rikonoxximent mill-għaqda internazzjonali Anti-Bullying Alliance li tiċċelebra l-#antibullying week ta’ kull sena f’għadd ta’ skejjel fuq livell internazzjonali. Fost it-temi li ħarġu mit-tfal hemm: 1. Il-bullying qatt mhu aċċettat; 2. Tista’ tieqaf lill-bully billi tirrapporta lil xi adult li jista’ jgħinek (l-għalliema, l-asst. […]