Għal darba oħra s-Sagħtar se jerġa’ jkun fuq ir-radju!

Fuq l-istazzjon RTK 103 se nkomplu niddiskutu l-ħidma ta’ Fondazzjoni Sagħtar, bis-sehem ta’ diversi kontributuri kif ukoll studenti.

Matul din is-sena skolastika Sagħtar FM se jixxandar nhar ta’ Tnejn fis-1.30 pm b’ripetizzjoni nhar ta’ Ħadd fis-2.30 pm. Tistgħu ssegwu l-programmi wkoll minn din il-paġna, mill-ħoloq t’hawn taħt.

Ħudu gost!

Is-Sagħtar reġa’ kien fuq ir-radju matul is-sena skolatika li għaddiet.

Flimkien ma’ RTK 103 komplejna mas-suċċess tas-sena ta’ qabel u offrejna xi ħaġa iktar! Minbarra intervisti u diskussjonijiet mal-kontributuri, il-programm inkluda kwizz bejn studenti minn skejjel differenti! Ir-rebbieħa kollha tal-ħames sena, tas-sitt sena u tas-seba’ sena rebħu tablet 11-inch kull wieħed ġentilment mogħti minn Fondazzjoni Sagħtar!

Fl-2023-2024 iċċelebrajna r-rivista Sagħtar u x-xogħol li twettaq Fondazzjoni Sagħtar, permezz ta’ diskussjonijiet ma’ diversi mistiedna. Permezz tal-programmi s-semmiegħa ltaqgħu ma’ numru ta’ kontributuri ewlenin tas-Sagħtar, inklużi awturi u illustraturi. Il-programmi kienu jinkludu informazzjoni dwar ir-rivista, qari, diskussjonijiet, mużika, kurżitajiet u ħaġa moħġaġa.

Bħala membri ta’ Fondazzjoni Sagħtar tistgħu ssegwu l-programmi kollha fuq din il-paġna, mill-ħoloq t’hawn taħt.